بلخ
بلخ د افغانستان د شمال له مهمو ولايتونو څخه دی، چې د هېواد په کچه په لومړۍ درجه ولايتونو کې حساب دی. د دغه ولايت مرکز، مزارشريف ښار د سوداګريز او سياسي ارزښت له مخې د شمال د مرکزي ښار حيثيت پيدا کړی دی، چې له کابل ښار څخه د شمال پر لويه لاره د ميمنې او پلخمري ښارونو تر منځ پروت دی.
سيلانيان او ځايونه[سمول]
د افغانستان په شمالي ولایتونو کې له ناامنیو سره سره په بلخ ولایت کې د لسګونه میلیونه ډالرو په لګښت د کورنیو او ځوانانو لپاره عصري تفرېح ځایونه او رستورانونه جوړ سوي. انځورونه د بي بي سي خبریال عنایت شهیر اخیستي.
- اوس د افغانستان په ټولو لویو ښارونو کې عصري رستورانونه او تفریح ځایونه سته چې ورتګ ورته ورو، ورو په یوه فرهنګ بدل سوی
- د دغه جګړه ځپلي هېواد وګړي د لنډې مودې لپاره چې هم وي له دا ډول زړه راښکونکو محلونو خوند اخلي.
- دغو رستورانونو او تفرېح ځایونو ته ډېر کم شمېر کورنۍ ورځي، هغه چې مالي توان یې یو څه ښه دی.
- ځینې کسان چې دغو رستورانونو ته ورځي وایي؛ د ښار له ګڼې ګوڼې او غږونو ډک چاپیریال ستړي کړي او دلته د ارامتیا احساس کوي.
- د قشلاق رستوران د مزار شریف ښار په څنډه کې د څه دپاسه ۱۰ میلیون ډالرو په لګښت جوړ سوی او هره ورځ لسګونه کورنۍ ورځي.
- رستورانونو ته د کورنیو ورتګ که څه هم افغانستان کې نوی فرهنګ نه دی خو مخ پر ودې دی.
- دا ډول زړه راښکونکې منظرې او ارامه فضا د هغو په نصیب ده چې به بېوزلي افغانستان کې یې مالي توان یې لري.
- هغوی چې پیسې نه لري تفریح ځایونو او عصري رستورانونو ته د تګ ارمان لري، خو هغه چې ورځې تر ټولو لویه هیله یې دا ده چې هېواد کې امنیت راسي او د هېواد ټولو برخو ته په ډاډه زړه سفر وکړي.
- ددغه ډول تفریحې ځایونو شمېر په ډېرېدو دی.
- دغو مجللو رستورانونو کې ډېرو کسانو ته کار زمینه برابره سوې او ډېر ورته افغانستان کې د اقتصادي پیاوړتیا په سترګه ګوري.
- بلخ د افغانستان په شمال کې له نسبتا ارامو ولایتونو دی او سواګرو پکې په هره برخه کې پانګونه کړې ده.
- تفریح ځایونو کې هڅه سوې د ورزش لپاره هم اسانتیاوې برابرې سي په تېره بیا د فوټبال لپاره.
- په مزار شریف ښار کې دننه هم د نسبتا عصري رستورانونو شمېر کم نه دی.
- د مزار شریف ښار کې هم پر رستورانونو د سلګونه زره ډالرو په ارزښت پانګونه سوې ده.