د دې مقالې په اړه GPX دوتنې کښته کول

سلواکیا

Jump to navigation Jump to search

سلواکیا په رسمي توگه د سلواک جمهوریت دی، خو نړيوال يې د سلواکيا په نوم پېژني. دغه هېواد په منځنۍ اروپا کې د ختیځ طول البلد د ۴۷ تر ۴۹ درجو او د شمالی عرض البلد د ۱۷ تر ۲۲ درجو په منځ کې موقعيت لري. پراخوالی یې ۱۸۸۵۹ میله مربع دی، چې له دې پلوه د نړۍ ۱۳۰ هېواد ګڼل کېږي.

اداري واحدونه[سمول]

سلواکیا ۸ اداري واحدونه لري. مهم ښارونه يې یېکوسینچ، پیستوف، نیترا، زیلنا، پوپردا، ترناوا او ترنسین نومېږي. د دغه هېواد د حکومت ډول جمهوري دی. د سلواکیا نوی اساسي قانون د ۱۹۹۳ زېږديز کال د جنورۍ په لومړۍ نېټه نافذ شوی دی، خو په ۱۹۹۸، ۲۰۰۱ او ۲۰۱۱ زېږديزو کلونو کې پکې ځينې اصلاحات راوستل شوي دي.
حقوقي نظام: د سلواکیا حقوقي نظام پر هغو اصولو تکيه دی چې د اتریش او هنګري د مدني قوانینو له مخې جوړ شوي دي. ستره محکمه د سلواکیا تر ټولو لوړ قضایي ارګان دی چې یو مشر او ۷۸ قاضیان؛ جنایي، مدني، تجارتي او اداري برخې لري. د دې محکمې قاضیان د قضا د عالي شورا په وړاندیز د ولسمشر له خوا د ټول عمر لپاره ټاکل کېږي. د اساسي قانون محکمه د سلواکيا بله واکمنه محکمه ده چې یو مشر او ۱۳ قاضیان لري. دغه قاضیان د ولسي جرګې په وړاندیز د ولسمشر له خوا په دندو ګومارل کېږی او ۱۲ کاله کار کوي.

رسنۍ[سمول]

د سلواکيا د ټليفون کوډ ۰۰۴۲۳ او د انټرنېټ کوډ يې بيا (SK) دی. د دغه هېواد څلور ميليارده اوسيدونکي انټرنېټي خدمتونو ته لاسرسی لري. د سلواکیا د دولتي راډیو تلوېزیون شرکت درې سراسري ټلویزیونونه او ۱۲ راډیوګانې لري؛ خو د رسنیو خصوصي سکټور يې ۳۵ سراسري، سیمه ییز او سوداګریز ټلوېزیونونه او ۲۰ راډیوګانې لري. د دې ترڅنګ سلواکیا ۱۲ مرکزي او اته سیمه ییزې ورځپاڼې لري، ۲۳۰۰ اونیزې میاشتنۍ او مهالنۍ پکې خپرېږي او هر کال پکې تر ۲۰۰۰ ډېر نوي کتابونه خپريږي.

سرچینې[سمول]

دا ليکنه د سلواکیا په اړه ده، په دي ليکنه کې د نورو معلوماتو ضرورت دي، ورکړل سوي معلومات دې سيمي ته د سفر کولو لپاره بس نه دي، د نورو معلوماتو په ورګډولو سره مهرباني وکړئ د ويکيسفر سره مرسته وکړي.