سپین مانده د میوند ولسوالۍ د شمالي غرونو او د خاکریز د درې څخه سرچینه اخلي، د میوند بازار په څنګ کی جنوب خواته بهیږی  او د کندهار - هرات د لوی لاري تر لوی پول لاندی تیریږی. د چهل ګزي، حسن اباد (خوګياڼو) کاریزک لوی کاریز تر کاریزونو تیریږی او د تشمو (چشمه محمدخان) تر کاریزونو هم ځان پوري باسي او مخامخ د ارغنداب رود ته ورګډیږي. دغه مانده چي هر  ژمي د بارانونو سره سم خورا ډک بهیږي  ډیری اندازه اوبه يې زموږ د لاسه وځي او د ارغنداب د رود سره یوځای د هلمند په اوبو ګډی او ضایعه کیږي.

نور ولولئ

اوس نو دغه مانده چی تقریبا  تر 50 کیلومتره زیات د میوند په ځمکه بهیږي چی پر لس، لس کیلومتره یو یو چیک ډمونه ورته جوړ سی،  ددغه مانده اوبه به ۸۰% سلنه ذخیره کړل سي او د ځمکي لاندی د اوبو رګونه به بیا وبهیږي او د اوبو ګل ( سطحه) به راپور ته کړي. چي هم به تر ډیره هغه کوټ کاریزونه اوبه پیداکړي او هم به د زراعت او کښت اوبه پریمانه سوی وی.تر بل کال چي بیا بارانونه کیږي دغه اوبیزه ذخیره به بسنه کوي.