مذدار
مذدر (Masdar) يو ښار دی. دا ښار تقریبآ د ابودبۍ څخه ۲۰ میله يعنې ۳۲ کیلو متره فاصله لري، چې ابو دبۍ د متحد عربي اماراتو تر ټولو پراخه ښار دي. مزدار یو کوچنی ښار دی، چې یواځې ۲.۳ میله مربع (۶ کیلو متر مربع) مساحت لري، په راتلونکي کې به دا ښار د ۵۰۰۰۰ نفوس د اوسیدو جوګه وي، ۱۰۰۰ کمپنۍ او د یو پوهنتون د لرلو قابلیت به هم ولري. نوموړی ښار د تنګو کوڅو لرونکی دی، ددې ښار کورونه ډیر یو د بل سره نژدې دي، چې د ډیرو کورونو شتون د سیورو لرلو له کبله یې ددغه ښار کوڅو ته یخ والی وربښلی دی.
لارې او سړکونه
[سمول].jpg)
ددې ښار په کوڅو کې هیڅ موټر شتون نلري، ځکه چې ددې ښار سیمې یو بل ته ډیرې نژدې دي او ښاریان کولی سي چې په خپلو پښو د یوې سیمې څخه بلې ته ولاړ سي. او که چیرې یو کس نه غواړي چې د یوې سیمې څخه بلې سیمې ته په پښو ولاړ سي، نو بیا دوی کولی سي چې (prt personal rapid transit) مطلب ترې د شخصې بیړني سفر یو کسیز موټر دی هم استعمالولی سي، دغه کوچني موټرې هیڅ چلوونکی نه لري، د ځمکې لاندې یعنې په ځمک تلي کې ورته سړکونه برابر سوي، دننه په موټر کې داسې د افهام او تفهیم سیستم نصب سوی چې په یو ځل ویلو سره چې ځای ورته مشخص کړې، نو بیا دې همالته بیايي، بله دا چې دغه موټرې د سولر سیستم لرونکي دي چې د یوې ورځې سولر انرژي ورته دوه درې ورځې کار کوي.
مزدار ښار او تکنالوژۍ
[سمول]مزدار ښار به یو ځل بیا د خپلو هغو منابعو څخه چې مخکې ترې استفاده سوې، بیا استفادې ته اماده کړي، همدارنګه د خپلو اوبو څخه به هم ۸۰٪ د انرژۍ په برابرولو کې ګټنه وکړي، د مزدار خلک هم د ښار په معیار برابر کورونه جوړوي د خپلې محلي ادارې سره ډیره هماهنګي لري، عامه ګټو ته په شخصي ګټو برتري ورکوي، چې ددې ښار د جوړیدو عمده علت هم همدا د خلکو مثبت احساسات دي.