مونټينګرو
مونټينګرو په رسمي توگه مونټينګرو چې سيمه ييز نوم يې کرناکورا او پخوانی نوم يې د مونټينګرو د خلکو جمهوريت دی د بالکان ټاپووزمې په شمال لویدیځ او د اروپا په جنوب ختیځه برخه کې د ادرياتیک سیند تر څنګ د شمالي عرض البلد د ۱۹ - ۲۳ درجو او د ختیځ طول البلد د ۴۱ - ۴۶ درجو په منځ کې موقعیت لري.
نور ولولئ
[سمول]مونټينګرو د سايبيريا د سړې هوا، د مديترانې د نمجنې هوا او د افريقا د وچې او تودې هوا تر اغېز لاندې هم دی چې له امله يې د پسرلي په وروستيو او د دوبي په لومړيو کې د دغه هېواد په غرنيو سيمو کې د اورښتونو کچه په بې ساري ډول لوړېږي. د مونټينګرو پلازمېنه د پودګوريکا ښار دی. د دغه هېواد د وګړو شمېر ۶۷۸۹۳۱ تنو ته رسېږي، چې په هر کيلو متر مربع ځمکه کې يې ۴۹ تنه مېشت دي. د دغه هېواد لويه برخه يا ۶۴ سلنه وګړي ښاري ژوند لري، په داسې حال کې چې ۳۶ سلنه نور يې بيا په کليوالي سيمو کې ژوند کوي. د مونټينګر خلک په منځني ډول ۷۲ کاله عمر کوي او اوسيدونکي يې له ښې روغتيا څخه برخمن دي. د دغه هېواد ۴۵ سلنه اوسيدونکي د سپين مونټينګرويي نژاد، ۲۸ سلنه يې د صربي، اته سلنه يې د بوسنيايي او پاتې يې د رومي او البانيايي نژادونو درلودونکي دي. له مذهبي پلوه يې د اوسيدونکو لويه برخه يا ۷۲ سلنه د ارتودوکس، څلور سلنه د کاتوليک، ۲۰ سلنه د اسلام او پاتې نور د مختلفو دينونو پيروان دي.