ټک ټک بازار
د کندهار تاریخي توپخانه بازار اوس خلکو په ټک ټک بازار سره مشهوره کړې. دا بازار د شهیدانو او سردارمدد خان چوک د عمومي سړک څخه د ختیځ خوا ته تر پخواني ارګ بازار پورې غږېدلی دی.
نور اړوند[سمول]
په ټک ټک بازار کې د چکوش او سوټکانو ټک ټک دومره لوړ او جالب ږغ لري چې د هرچا توجو ور اوړي.
په پخوا کې د احمدشاهي عصر دغه لرغونی تاریخي بازار ته نږدې یوه دوه پوړیزه ودانۍ وه،
چې د لوی نایب کوټۍ یې بلل.
په تاریخي کتابو کې راغلي،
چې دا کوټۍ د لوی نایب خوشدیل خان د مجلس ځای وو،
خو د وخت په تیریدو سره د محمداکبر خان ښاروال په وخت دغه سیمه پراخه او د بازار شکل یې غوره کړ.
ویل کیږي، چې نوموړي د ښار د نورو بازارونو څخه ټول اهنګران او مسګران دغه بازار ته رانقل کړه.
پخوانیو حکومتونو به د دغه سیمي څخه د پوځ او پولیسو د قرارګاه په توګه کار اخیسته:
| “ | دلته به عسکر ول، توپونه او ماشینونه به یې ایښي ول، کش او بیګر به وو ټوله به پر اسانو سپاره وه سهار او ماښام به یې شاوخوا ګزمې کولې. | ” |
—عبدالرحمن کاکو | ||
ټک ټک بازار چې اوس تر دوه سوه زیات دوکانونه لري تقریبا په ټولو کې بېلابېل فلزي لوښي جوړیږي لکه کاسې دیګونه بخارۍ انګېټۍ او نور د ضرورت وړ شیان. دغه بازار ځکه په ټک ټک بازار مشهوره دي، چې د لوښو او نور فلزي شیان د جوړو پر وخت په کې ټک ټک وي:
| “ | دلته بخارۍ ټانګۍ کاسې او نور د اوسپنې شیان جوړیږي او ټوله ورځ په دوکانو کې ټک ټک وي ځکه یې خلک ټک ټک بازار بولي، دا خو نو د وخته دا ټک ټک بازار دی پخوا دا نوی سړک نه وو دا ځای ټوله دوکانونو وو. | ” |
—سید قازم او سید نجیب اغا | ||
دا هم ولولئ[سمول]
د کندهار د اطلاعاتو او کلتور ریاست د تاریخي ابداتو مسوول عزیز احمد عزیز وايي، چې ټک ټک بازار د کندهار د تاریخي سیمو څخه شمیرل کیږي او د نورو ولایتونو او هېوادونو څخه راغلي سیلانیان هم علاقه لري، چې دغه بازار د نږدې وګوري: ټک ټک بازار د احمدشاهي عصر یو لرغوني بازار دی دلته چې اکثره وخت دا سیلانیان راځي نو ټک ټک بازار خامخا ویني ډیر ورته جالب دي. ټک ټک بازار ته ورته د کندهار د ځينو نورو سيمو نومونه هم د وخت په تېرېدو د سيمې خلکو په خپله خوښه بدل کړي دي، چې ښه بېلګه يې د کندهار سرپوښ بازار دی. دغه بازار د احمدشاه بابا د واکمنۍ پر مهال يوې څلورلارې ته نږدې جوړ سوی وو، چې هغه مهال چارسو بلل کېده، خو وروسته چې د بازار سر وپوښل سو، خلکو ورته د سرپوښ بازار نوم ورکړ.